THE NORMAL ONE JÜRGEN KLOPP

 Jügen Klopp wuxuu ku dhashay Stuttgart, Jarmalka, 16-kii Juun 1967. Wuxuu ku soo barbaaray tuulada Glatten oo ku taal gobolka Baden-Württemberg. Aabihiis, Norbert Klopp, wuxuu ahaa ciyaaryahan iyo macallin kubadda koleyga ah, taasoo Klopp ku dhiirrigelisay inuu ciyaaraha jecleysto. Jürgen Klopp waa tababare kubadda cagta oo Jarmal ah, caan ku ah guulihiisa iyo saameynta uu ku yeeshay kooxaha uu soo maamulay, gaar ahaan Liverpool FC.

Nololoshisa Qaska :

Klopp wuxuu guursaday Ulla Sandrock, oo ah qoraa iyo shaqsi bulshada ku firfircoon.

Waxbarashadisi : Klopp wuxuu bartay sayniska isboortiga jaamacadda Goethe University ee Frankfurt, halkaasoo uu diiradda saaray daraasadda ciyaaraha iyo hababka tababarka.

Ciyaaryahannimidisi

Kooxda Mainz 05: Klopp wuxuu xirfaddiisa ciyaaryahan ka bilaabay Mainz 05 intii u dhaxaysay 1990–2001. Inkastoo uusan ahayn ciyaaryahan heer caalami ah, wuxuu ahaa mid aad uga caawiya kooxdiisa difaac iyo weerar labadaba. Wuxuu ku guuleystay kalsoonida taageerayaasha sababtoo ah shaqadiisa adag iyo dagaalnimadiisa garoonka dhexdiisa.

Shaqadiisa Tababarenimo

Mainz 05 (2001–2008):

Klopp ayaa si lama filaan ah u noqday tababaraha Mainz 05 markii tababarihii hore shaqada laga ceyriyay.

Wuxuu kooxda ku hoggaamiyay inay markii ugu horreysay taariikhdooda u soo baxdo horyaalka Bundesliga xilli ciyaareedkii 2004–2005.

Inkastoo ay kooxda dib ugu laabatay heerka labaad markii dambe, Klopp wuxuu noqday tababare la jecel yahay sababo la xiriira daacadnimadiisa iyo sida uu u dhiirrigeliyo ciyaartoyda.

Borussia Dortmund (2008–2015):

Klopp wuxuu ku biiray Borussia Dortmund isagoo beddelay tababarihii Thomas Doll.

Wuxuu Dortmund u horseeday guulo waaweyn, sida ku guuleysiga horyaalka Bundesliga labo jeer (2010–2011 iyo 2011–2012).

Sidoo kale, wuxuu ku hoggaamiyay Dortmund finalka Champions League ee 2013, laakiin way ka guuleysatay Bayern Munich.

Liverpool FC (2015–2024):

Klopp wuxuu Liverpool ku biiray bishii October 2015, isagoo ballan qaaday inuu "rogi doono shakiyaasha inay noqdaan aaminsanayaal."

Intii uu joogay, wuxuu kooxda ku hoggaamiyay guulo ay ka mid yihiin:

Champions League (2019): Wuxuu ku guuleystay koobka isagoo garaacay Tottenham.

Premier League (2020): Liverpool waxay ku guuleysatay horyaalka markii ugu horreysay muddo 30 sano ah.

FIFA Club World Cup (2019): Kooxda waxay noqotay kooxda ugu fiican caalamka.

Qaab Ciyaareed iyo Falsafad

Klopp wuxuu caan ku yahay "Gegenpressing," oo ah istiraatiijiyad ah in kooxdu isla markiiba cadaadis ku saarto kooxda ka soo horjeeda si ay ugu soo ceshadaan kubadda.

Wuxuu sidoo kale caan ku yahay inuu ciyaartoydiisa dhiirrigeliyo, isagoo ah hogaamiye bulsho oo ku xeeldheer xiriirka.

Guulaha iyo Abaalmarinnada

Waxaa lagu abaalmariyay tababaraha sanadka ee FIFA 2019.

Liverpool wuxuu ka dhigay mid ka mid ah kooxaha ugu fiican Yurub intii uu joogay.

Waxaa lagu xasuustaa kartida uu u leeyahay inuu kooxaha dhisan yahay oo uu ka abuuro koox adag oo guuleysata.

Wuxuu caan ku yahay inuu yahay qof xamaasad leh oo xataa taageerayaasha kooxaha ka soo horjeeda ay u arkaan shaqsi wanaagsan oo isdhexgal fiican leh.

Shaqada Cusub

Kadib markii uu ka tagay Liverpool, Klopp wuxuu aqbalay xilka Madaxa Ciyaaraha Caalamiga ah ee shirkadda Red Bull, isagoo la wareegaya maamulidda kooxaha ay shirkaddu leedahay sida RB Leipzig, New York Red Bulls, iyo Red Bull Salzburg. 

Gunaanad

Jürgen Klopp waa tababare leh aragti iyo hogaamin sare, kaasoo saameyn weyn ku yeeshay kooxaha uu soo maamulay, gaar ahaan Liverpool FC, isagoo ku guuleystay koobab badan oo muhiim ah intii uu joogay.

                    JURGEN KLOPP